عصبي مسوي منتدى تعـــالوا شوفوا الشروط!!!!

آلــسلآآمـ ع ـليــكـم..~~

لقد تغيرت شروط التسجيل في المنتدى ....وتم تغيير مسمى المنتدى لتواكب مرحلة ما بعد الحرب الباردة

اعرفوا الشروط زين....وافهموها....واللي ما يبي هالشروط جعل اصابعه اللي طقت على الكيبورد الكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا. بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من فوق خشمه ....والشروط هي...

- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس... قايلكم حنا ما نلعب..

2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد و ابرميه من على ارتفاع 50000 الف قدم وبرضخ به على خوص نخله...علشان ما يعود لها. قايلكم حنا ما نلعب..

3- انتم اعضاء لكم تكتبون بس....ولااحد فيكم يسوي لي فيها مراقب مانبي مراقبين.....فهمتوا ولا افهمكم...

4- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...
صح ولا ماهو صح...قولوا صح لابارك الله بالساعه اللي جمعت هالخشش فيها...

واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش... ساحتنا وحنا حرين فيها..

5- اللي بيسجل باسماء . خرابيط ..ولا مخله بالادب....هذا بنوديه لا اقرب شيخ وبنكويه من جبهته..وبعدين بناخذه لأقرب قليب ((بئر))...وبنغطسه وبنطلعه...ونغطسه ونطلعه الين مايقول....والله ماعاودهااا... قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يبي....

ملاحظه......
اللي بنكتشف انه رجال مشورب ويكتب باسماء بنات...
ولا بنات تكتب باسماء رجاليه هذولي بنخلي خششهم كلمات متقاطعه يصعب حلها.....وبنمردغ خششهم بالتراب لين مايقولون توبه نعودها..

موافق .................

غير موافق ...............

واللي موافق يكتب انا موااافق

واللي مو موافق احسن علشان مايضايقنا هو ومشاركاته

هاااه موافقين يلا نشووف منو موافق..

الله حماس
وين هذا المنتدى ابي اشترك فيه
بنك نيم رجالي
شكرا على الموضوع

هههههههههههههههههههههههههه
والله من جد هذا يدور حرش ويعاند
وانتي يا رفحاويه تبين خشتك تصير كلمات متقاطعه هههههههه
والله من العوابه وألعناد بهالراس يارفحاويه
مشكوور اخوي
Ŵăяẳğ-5şяāŉ

ههههههههههههه وراة تسذا معصب
اجل شعار المنتدى :: اللي يبي يسجل حياة الله واللي مايبي يسجل بقريح ماحنا ميتين علية
هههههههههه مشكورة اختي على الطرح ..

كلك نظر ِ

اي حماس اختي رفحاويه
شاكر مرورك

دووووم هالضحكه
شاكر مرورك اخوي اتعبتني جروحي

دووم هالضحكه اخوي نصراوي
كذا اسم المنتدى والله ألي محد سجل
شاكر مرورك

» عصبي مسوي منتدى تعـــالوا شوفوا الشروط!!!!
» غبي غش في الاختبار شوفوا شصار له؟؟
» منقول من منتدى اقلاع
» جغرافية منتدى بنــات رفــــحاء
» سجن منتدى بنات رفحاء الثقافي