مـــــــــــــع آو ضــــــــــــــد ....؟؟

صبــاحكم / مساءكم .. ورد x ورد ..

حبيت اني اكون اول من يطر موضوع بالقسم ^_^

موضوع شفته وأعجبني .. وحبيت انكم تشاركوني فيه ..

... ((( مــــــــع أو ضــــــــــــد ..؟؟؟ ))) ...

والفكـره كالآتي ،،،

أبطرح سؤال ويجي العضو الي بعدي ويجاوب عليه..

بـ ( مع أو ضد ) يعني يا انه يكون مأيد هالشي أو رافضه..

وبعدين يطرح العضو سؤال جديد ..

ويجي العضو الذي بعده ويجاوب على سؤاله ..

وبعدها يحط لنا سؤاله ..

وهكذا ..

أتوقع الفكره مره واضحه ومافيها أي لبـــــــس ..

ولاتبخلون علينا بالأراء والتفاعل ..

دمتم بود ومحبـــــــــه ..

،،

،،

وأنا ببدأ وبسأل الي بعدي ..

مع أو ضد / قياده المرأه..؟؟؟

وعليكم السلام ورحمة الله
شكرا على طرح الموضوع
كل بنت تتمنى تقود سيارة وتستقل بنفسها
ولا تحتاج للسواق اوزوج او اخ او اب
ليقضي حوائجها
خصوصا المرأة العامله وذلك
إسوة بدول الخليج المجاوره
لكن مجتمعنا السعودي المحافظ ممكن يفقد الاشياء الجميله
ممكن يتعرض للتفكك الاسري
هذا من وجهة نظري
اتمنى ان المرأه ماتقود السياره

اختي رفحاويه الظاهر ما فهمتي الموضوع عدل ^_^
انتي لازم تكتبين

مع او ضد
الموضووع الفلاني ^_^

طيب

مع او ضد

وجوود هذا المنتدى ^_^ ؟؟

طيب....
انا ضد قيادة المرأه للسياره
وسؤالي هو
س1/مع او ضد ارتباط السعوديه وزواجها من عربي مسلم من اي دوله بدون تحديد؟؟

ضد وبقوووه .

مع @ ضد

السفر للخارج بقصد السياحه ؟؟

تأخرت بالرد لاني كنت اريد افسح المجال لغيري

ج/ انا ضد السياحه للخارج
س/مع او ضد ظاهرة مسك الزوج يد زوجته في الاسواق او في الشارع ؟

اكيد " مع "
عشان ما تطير Laughing

شكرا نبراس بس انتي لازم تضعين سؤال حتى اجاوب عليه

حبيت اشاركم بس مالقيت سؤال علشان اجاوب عليه بس عندي سؤال لكم

مـــــع @ ضــــد
فكره زواج البنت من ولد العم او اجبار الأب لابنه للزواج من ابنة عمه ؟وهي تحصل كثيرا...

مععععع
‏=‏=> لان البنت إذا لها عيال عم تقريبآ مايجيها احد من بعيد
ولكل ناس عاداتهم
طيب مع أور ضد
ان العروسه تطلع للناس بيوم حفل زواجها؟؟؟

مععععع علشان يشوفونهااا الناس الموجودين خاصه اهل العرس مثل عمات وخالات العريس..وهي بكامل كشختهاااا
ويسولفن الحريم كالعاده .. ياويلي شفتي مرت فلان يوم شرعوهااا والله تهبل ومزيونه وراكبين على بعض هي وزوجهااا هههههههههه

مـــــــــــــع آو ضــــــــــــــد ....؟؟
اختلاط الممرضات السعوديات داخل اقسام الرجال بالمستشفيات الكبيره ؟؟ ووجهت نظركم بعد الاجابه يعني تعليقكم على الاجابه .. ما ابي مع او ضد بس..

اخوكم ... اتعبتني جروحي

شلون يرضونها لبنتهم بين الرجال
فيه مجالات ثانيه مو موقفه على هالمكان

وين سؤالك اختي نبراس ترى هذي المره الثانيه تجاوبين وما تحطين سؤال الثالثه يا ويلك مني ههههه

يعطيك العافيه وجهت نظرك فلعن صحيحه وشلون يرضونها وفيه اكثر من مجال
بس انا قصدي بالسؤال ان فيه ناس يأيدون الفكره .. يقولك تراه مجال عمل يا أخي وش فيكم انتم بدووو .

ولكن اقول الحمدلله ان اهلنااا متمسكين بالعادات والتقاليد مو مثل بعض المدن اللي ناسهاا تخلوو عن عاداتهم بسبت الحضاره والكلام الفاضي ....
ومشكوررررين

المعذره نسيت نفسي انفعلت مع الموضوع>>شايفين التحجر شيسوي؟؟؟؟
طيب مع او ضد
السفر بخصوص التسوق؟؟؟؟؟؟؟
وتتوقعون ايش راي اخواننا

اولا.. مو تحجر نبراس هذا من طيب اصلك وانك متربيه على العادات والتقاليد اختي ..
اما بالنسبه لسؤالك ..
مع مع مع ..
لان السفر للتسوق ترفيه عن النفس حتى لو كان لمدينه قريبه او معتاد تسافر لهااا التسوق يخليك تنسى الدنيا كلهااا وتبلش بنفسك وش راح تشتري وش راح يكون ذوقك..
انا ابلش وش اشتري وانا رجال . والرجال اغراضه معروفه يعني
فما بالك بالبنات .. الله يعين بس .. تلقاهاا لا زم يكون الدراعه او البلوزه نفس لون الشنطه ونفس لون البكله ونفس لون المكياج ونفس لون السواره والاكسسورات نفس اللون بعد ..
يعني دوخت راس بس اقول الله يعين ..
واسف على الاطاله...

مـــــــــــــع آو ضــــــــــــــد ....؟؟
المجمعات النسائيه المغلقه الخاصه بالنساء ؟؟

شكرا لك
اكيد مع عشان تبعد اماكن النساء عن الرجال>>ولا انتم شرايكم ؟
مع\او\ضد..
دخول الرجال لمنتديات النساء
"بدون زعل وهذا الشي اتفقنا عليه في البدايه"

زائر

حبايبي اعبجني الموضوع واشكر ناقله وكاتبه

وتسلم انامله من جد موضوع حلو

وبحكم اني مثل مايقولون حديث عهد في المنتدى بجاوب على كل المواضيع اللي انطرحت

براحه كنت بطرح الموضوع عن زواج السعوديه باجنبي مسلم لكن سبقتوني فيها

عموما مشكور حبيبي

زائر

مع أو ضد / قياده المرأه..؟؟؟

ضد اكيد _> اعتقد موضوع مستهلك ماراح اعلق عليه

س1/مع او ضد ارتباط السعوديه وزواجها من عربي مسلم من اي دوله بدون تحديد؟؟

بالنسبه لي على حسب عاداته يعني مثل الكويتين تقريبا مثل عاداتنا لكن البقيه لا

السفر للخارج بقصد السياحه ؟؟

فديتك اكيد مع والا تسمي سياحتنا سياحه ههههههههههههه

س/مع او ضد ظاهرة مسك الزوج يد زوجته في الاسواق او في الشارع ؟

على حسب عادات وتقاليد الزوج والزوجه وعلى حسب المجتمع اللي انا فيه

فكره زواج البنت من ولد العم او اجبار الأب لابنه للزواج من ابنة عمه ؟وهي تحصل كثيرا...

بالنسبه لي انا مكنسل اتزوج من اقاربنا لكن احس لو اتوافق مع بنت عمي ليش لا الاقربون اولى بالمعروف ههههههههه

بعدين اعتقد الناس اتعلموا شوي خلاص انتهى وقت الجبروت والطغيان والاجبار على الزواج

خلاص بالنسبه لمجتمعي انت حر وكيفك

ان العروسه تطلع للناس بيوم حفل زواجها؟؟؟

مع وليس ضد

اختلاط الممرضات السعوديات داخل اقسام الرجال بالمستشفيات الكبيره ؟؟

بالعكس عادي واعتقد المحترمه ماحد يقرب لها

السفر بخصوص التسوق؟؟؟؟؟؟؟

حلو ومتعه التسوق في اماكن ماقد جيتها من قبل

المجمعات النسائيه المغلقه الخاصه بالنساء ؟؟

حلوه وبقوه بعد منها الحريم بينهم وثانيا اغلب الاسر المحتاجه والباحثات عن عمل تلقى مكان مناسب لها

دخول الرجال لمنتديات النساء؟
ضد طبعا ,,, مكان نساء وش علاقة فيه

زائر

مااكثر الجروح المأ؟؟

هذا موضوع اتمنى تعليقات ما ابي ضد او مع

لاننا اذا قلنا ضد او مع صا تفكيرنا متحجر يعني مافيه حل وسط

خصوصا صار تباين في افكار الشعب بين متفتح ومنغلق في عام 1390هـ ههههههههههه

عموما اتمنى تعليقاتكم